Matthías Páll, skóli og gott veður.

Góðan daginn,

Matthías Páll er magnaður piltur. Hann er svo ótrúlega óhræddur blessaður pilturinn. Ég var einstaklega lítið að spá í hlutina í gær. Ég sótti Matthías í leiksskólann og var heima hjá Solrúnu. Ég fór í það að búa til grjónagraut, enda þriðjudagur. Pilturinn fór á hjólið sitt og var horfinn. Sólrún sá piltinn á leið inn í annað hverfi aðeins frá og á götunni. Ég skammaðist mín töluvert að hafa litið af honum, en var í leiðinni pínu stoltur af því hvað pilturinn er óhræddur og bara ofsalega sjálfstæður. Jú, það mætti kalla þetta að vera óviti, en ég kalla þetta að vera óhræddur :)
En auðvitað sýndi þetta mér enn og aftur að ég má ekki líta af piltinum. Já ég veit.

Skólinn er fínn. Nú erum við á þriðja degi í þessum kúrs. Í kvöld munum við borða saman og hlusta á smá fyrirlestur. Svo verður smá öl á eftir.
Það er smá pirringur í bekknum yfir því að það er skyldumæting í kvöld og úr þessu spunnust smá umræður í bekknum. Karsten Boye sá sem er yfir þessu öllu í náminu mætti til leiks og tókst að mistúlka óánægjuna í bekknum þannig að við værum óánægð með að fá frítt að borða þegar í raun eina óánægjan var að vita ekki fyrr að það væri skyldumæting í kvöldmatinn. Fyndið hvað andrúmsloftið varð stíft.

Veðrið síðustu daga hefur verið udmærket og virðist ekki lát á. Ég hef notið þess virkilega og fór í fyrrakvöld út að skokka meðfram ánni. Hrikalega "næs" og skemmtilegt. Endaði svo upp í rækt og lyfti smá lóðum.
Ég get nú ekki sagt að ég njóti þess að vera á "lóðaríi". Væri frekar til í einhverja boltaíþrótt, en ég hef gott af þessu.

Jæja, skrifa meira síðar tíminn að byrja.

Bless í bili,

Arnar Thor